Morgunblaðið

Samskipti mín við fyrrverandi risa á íslenskum blaðamarkaði, Morgunblaðið, hafa ekki verið ýkja mikil í gegnum tíðina. Meðan ég vann á Þjóðviljanum var ég ekki til í augum ritstjóra þess og hafði ekki áhuga á að vera það. En eftir að ég hætti þar birti ég stöku umræðugrein í blaðinu. Þegar ég var orðinn kórsöngvari skrifaði ég einnig nokkrar greinar sem voru blanda af ferðasögum og umfjöllun um tónlist. Hér eru tvær greinar um ferðir Dómkórsins til Ungverjalands og Austurríkis árið 1997 og Prag tveimur árum síðar.